Reynisholt

Beint í meginmál
Beint í aðalvalmynd
Beint í flýtileiðir
Beint í slóð
Beint í nýjustu fréttir

Gamlir hlutir rannsakaðir á bóndadegi

Almennar fréttir

föstudagur, 20 janúar 2012 16:45

Gamall primus

Þessa viku höfum við rætt við börnin um gamla tíman, lesið og sagt gömul ævintýri, lært þulur og söngva tengda þorranum s.s. þorraþræl, buxur vesti brók og skó, frost er úti og gott er að vera bóndakona

Í dag bóndadag héldum við þorrablót. Allar deildir komu saman í Marteinslundi, sungu þorralög og gæddu sér á dýrindis kræsingum s.s. hákarli, slátri, hangikjöti, hrútspungum og sviðasultu. Stúlkurnar sungu svo Krumminn á skjánum fyrir strákana og munu strákarnir syngja fyrir stelpurnar á konudaginn.

Eftir matinn bauð Gréta svo börnunum upp á fræðslu um gamla hluti sem starfsfólk kom með. Þar var hægt að sjá kolastraujárn, prjónastokk, roðskó, skjólu, hakkavél, primus, spiladós og margt fleira.

Myndir eru í sameiginlegu möppunni á myndasíðunni

Syngjum út jólin

Almennar fréttir

föstudagur, 06 janúar 2012 16:53

Í dag er þrettándi dagur jóla. Því sungum við út jólin í vinastund í dag. Börnin gegnu í kringum jólatréð og sungu jólalög.

Gleðilegt nýtt ár

Almennar fréttir

sunnudagur, 01 janúar 2012 14:53

Við óskum foreldrum og börnum gleðilegs nýs árs og þökkum fyrir góðar stundir á liðnu ári.

Jólakveðja

Almennar fréttir

þriðjudagur, 27 desember 2011 11:39

Kæru foreldrar
Nú í desember höfum við notið aðventunnar og haft dagskrána með rólegum hætti. Við höfum dansað í kringum jólatréð, sungið jólalög í vinastundum og hitt jólasvein í Reynislundi.
Við sendum foreldrum og börnum í Reynisholti okkar bestu jólaóskir og þökkum ykkur yndislegar stundir á árinu sem er að líða með ósk um að nýtt ár umvefji okkur öll frið og farsæld.

Með jólakveðju,
F.h. starfsmanna í Reynisholti
Sigurlaug og Heiða

Jólaskemmtun

Almennar fréttir

miðvikudagur, 21 desember 2011 14:46

Dönsum við í kringum

Mánudaginn 19. desember var jólaskemmtun hjá okkur í Reynisholti. Þetta árið fórum við í Hátíðarsal Sæmundarskóla og vorum þar með jólaball fyrir allar deildir. Gaman var að prufa nýtt umhverfi og börnin voru mjög spennt fyrir því að fara í Sæmundarskóla. Við sungum og dönsuðum í kringum jólatréð og áttum skemmtilega stund saman.

Í hádeginu var svo jólamatur, hangikjöt með öllu tilheyrandi. Eftir hádegismat horfðu börnin á ævintýrið um Næturgalann eftir H.C.Andersen. Eftir hádegi fóru börnin svo út að leika sér í snjónum.