Hvað ætli leynist í moltunni?

Í dag tæmdu börnin í umhverfisráði moltutunnu nr 3. Hún fylltist í desember og hefur verið í biðstöðu síðan. Allur matarafgangurinn í henni var orðin að moltu og skoðuðu börnin moltuna vel og vandlega. Þau fundu fullt af ormum í henni sem er góðs viti því þeir hjálpa til við niðurbrotið.

Nú eru moltutunnur nr 1, 2 og 4 í biðstöðu og getum við eflaust tæmt tunnu nr 2 seinna í sumar.

Á þriðjudaginn verður vinnukvöld í Reynislundi og þá ætlum við að nota moltuna til að bæta blómabeðin.

Gott að vera klæddur eftir veðri

Nú er komið að vinnudegi í Reynislundi á þriðjudaginn 15. maí milli kl. 17:00 – 20:00.

Það sem þarf að gera er:
- Strekkja kaðla og laga það sem er brotið
- Setja meira kurl í göngustíga og undir þrautabraut
- Tína rusl og huga að gróðri.
- Laga eldstæði
- Moltublanda beð í jógalundi og endurraða steinum
- Sá grasfræjum

Þeir foreldar og starfsmenn sem hafa tækifæri til að vera með okkur á vinnudeginum vinsamlegast skrái sig á listann sem hangir uppi í fataherbergjum.

Gott væri ef einhver gæti tekið með sér hrífur eða klórur til að hreinsa frá trjánum og borvél til að festa lausar spýtur.

Tilvalið tækifæri fyrir foreldra að koma og kynnast
 

Ólympíuleikarnir koma frá Grikklandi

Í dag er Evrópudagurinn og af því tilefni höfum við verið að fræðast um Comeniusarlöndin okkar, Frakkland, Ítalíu, Wales og Grikkland. Deildarnar skiptu með sér löndunum og fræddu svo hver aðra í vinastund í dag. Það sem við lærðum var meðal annars hvernig við segjum góðan daginn á öllum tungumálunum, hvað höfuðborgirnar heita og hvernig fánar landanna líta út. Hver deild söng svo lög á viðkomandi tungumáli.

Börnin voru mjög áhugasöm um löndin sín og hlustuðu með athygli á kynningar hinna deildanna.

Myndir eru komnar á heimasíðuna

Eitt af því sem þátttökulöndin unnu sameiginlega að var að hanna merki fyrir verkefnið okkar. Á fundinum í París komu öll löndin með tillögu að merki sem börnin höfðu hannað og valdar voru myndir frá Grikklandi og Wales og þær sameinaðar í eitt merki.

Miðvikudaginn 9. maí er Evrópudagurinn. Eitt af Comeniusar verkefnunum er að halda hann hátíðlegan. Deildirnar skiptu með sér löndunum og eru nú að fræðast um þau, skoða fána landanna, læra að segja góðan dag á viðkomandi tungumáli og margt fleira. Á Evrópudaginn munum við svo hafa vinastund þar sem deildirnar kynna löndin fyrir hvert öðru.

Bjartilundur er með Ítalíu

Geislalundur er með Grikkland

Sunnulundur er með Frakkland

Stjörnulundur er með Wales